ત્યારે સમજી લેજો પાસ થઇ ગયા | ગુજરાતી પ્રેરક વાર્તા | Then understand that you have passed in Gujarati | Gujarati Motivational Story

ત્યારે સમજી લેજો પાસ થઇ ગયા | ગુજરાતી પ્રેરક વાર્તા | Then understand that you have passed in Gujarati | Gujarati Motivational Story 

Gujarati Motivational Story | Gujarati motivational story pdf | moral stories in Gujarati pdf | Gujarati motivational story with moral | prenatal story in Gujarati | motivational Gujarati blog | Gujarati story | motivational speech in Gujarati pdf

૧ )     રાજા અને ચાર રાણીઓની વાર્તા : 

સ્કુલ , કોલેજની પરીક્ષામાં ભલે લોકો નાબરથી પાસ થતા હોય પણ જ્યારે કોઈ વ્યક્તિ તમને હદયમાં જગા આપી દે ત્યારે સમજી જજો પાસ થઇ ગયા તમે .

 

આ વાર્તા એક રાજા અને રાણીઓની છે , જેમાં રાજા ધરડો થઇ જાય છે અને અંતિમ દિવસો જંગલમાં વિતાવવા હોય છે પણ રાણીઓની વાત સાંભળીને હદય ખુબ દુભાય છે . અંતે એક અવાજ આવે છે , અંતરઆત્માનો અવાજ .

 

કેમ છો મિત્રો હું છું મૃત્યમ .

હું લઇ આવ્યો છું તમારા માટે એવી વાર્તા કે જેને વાંચી તમે જીવનમાં સાચી દિશા શોધી શકશો . તો ચાલો શરુ કરીએ ગુજરાતી પ્રેરક વાર્તા .

 

એક રાજા હતો . તેને ખુબ જ મોટું સામ્રાજ્ય હતું . એને ચાર રાણીઓ હતી . જીવનના એટલા દિવસો તેને ખુબ સારી રીતે વિતાવ્યા . જે ચાહ્યું એને હાસિલ પણ કરી બતાવ્યું . બધું જ સારું ચાલતું હતું . હવે સંતાનો મોટા થઇ ગયા હતા અને રાજા ધરડો થઇ ગયો હતો .

 

એક દિવસ રાજમહેલમાં એક વૈદ્યને બોલાવવામાં આવ્યો . એને કહ્યું કે હવે રાજા બહુ દિવસ નહિ જીવી શકે . ત્યાના કોઈ ઋષિ હતા એમને કહ્યું કે ...

 

હે રાજન હવે તમેં આ બધું રાજપાઠ છોડી દો , અને કોઈ જંગલમાં વધ્યું જીવન વિતાવો . કોણ જાને કોઈ ચમત્કાર થઇ પણ જાય .

 

એટલે રાજા પોતાનામોટા સંતાનને રાજપાઠ સોપી દે છે . અને વિચારે છે ચારમાંથી કઈ રાણીને મારી સાથે લઇ જાઉં . જો એની મરજી હશે તો જ લઇ જઈશ , પરાણે નહિ લઇ જઉં . હું એમ કરું ચાર રાણીને હું જાતે જ પૂછી જોઉં આખરે મારી સાથે કોણે આવવવું છે .

 

ત્યારે તે પોતાની પહેલા ચોથી રાણીના જોડે જાય છે . અને કહે છે કે ..

મારે હવે જીવનના છેલ્લા દિવસો જંગલમાં વિતાવવા છે . હું તને ખુબ જ પ્રેમ કરું છું . હું એવું ઈચ્છું છું કે તું તમે મારી સાથે મારા છેલ્લા દિવસોમાં સાથ આપો .

 

ત્યારે ચોથી રાણી કહે છે મારે તમારી સાથે જંગલમાં નથી આવવું અને તમે પણ અહી રહોને , જંગલમાં જઈ શું કરશો , હું તો કહું છું કે અહી જ જીવન વિતાવો .

 

આવું સાંભળી રાજાદુઃખી થઇ ગયો . હમણાં જ લગ્ન થયા હતા . એટલે પ્રેમ પણ ખુબ હતો રાજાને એની પત્ની પ્રત્યે પણ પત્નીએ પ્રેમની કદર ના કરી . એટલે એ ઓરડામાંથી બહાર નીકળી ગયો .

 

એને થયું લાવ હું મારી ત્રીજી રાણીને મળું એ શું કહે છે . એટલે રાજા ત્રીજી પત્નીના ઓરડામાં જાય છે . અને કહે છે ....

 

મારે હવે જીવનના છેલ્લા દિવસો જંગલમાં વિતાવવા છે . હું તને ખુબ જ પ્રેમ કરું છું . હું એવું ઈચ્છું છું કે તું તમે મારી સાથે મારા છેલ્લા દિવસોમાં સાથ આપો .

 

ત્યારે ત્રીજી રાણી કહે છે કે ...

 

મારે નથી આવવું . વળી જંગલમાં તો રહેવાતું હશે . તમને અચાનક શું થઇ ગયુ છે . હું તો કહું છું તમે પણ અહી જ રહો મહેલમાં , ત્યાં જાનવર કેટલા બધા હોય અને ત્યાં જઈને રહીને કરવાનું શું ? એના કરતા અહી જ મહેલમાં રહોને .

 

ત્રીજી રાણી જે બોલી એનું પણ દુઃખ લાગ્યું અને રાજા ત્રીજી રાણીના ઓરડામાંથી બહાર નીકળી ગયો .

 

બીજી રાણી બુદ્ધિવાન હતી રાજાને લાગતું હતું કે આ બીજી રાણી મારી સાથે જરૂરથી આવશે . કેમ કે એને મારો વહીવટમાં , હિસાબોમાં હમેશા સાથ આપ્યો છે . રાજ્યનું કોઈ કોઈ પણ વહીવટી ખાતું હોય એને મને મદદ જરૂર કરી છે .

 

આવું વિચારીને રાજા બીજી રાણીના ઓરડામાં જાય છે . અને કહે છે ...

 

મારે હવે જીવનના છેલ્લા દિવસો જંગલમાં વિતાવવા છે . હું તને ખુબ જ પ્રેમ કરું છું . હું એવું ઈચ્છું છું કે તું તમે મારી સાથે મારા છેલ્લા દિવસોમાં સાથ આપો .

 

ત્યારે બીજી રાણી કહે છે...

 

ના રાજા હું તમારી સાથે ના આવું . હા પણ એક વચન આપી શકું ...

તમારી જ્યારે અંતિમ ક્ષણ હશે ત્યારે શાહી અંદાજથી તમને સ્મશાને લઇ જવાની જવાબદારી મારી . હું એમાં કોઈ કસર બાકી નહિ મુકું .

 

આવું સાંભળી જ્યારે રાજા બહાર નીકળવા જાય છે ત્યારે એને એક અવાજ સંભળાય છે ....

હું જરૂર તમારી સાથે આવીશ . આ અવાજ રાજાની પહેલી રાણીનો હતો .

 

એ પણ રાજાની જેમ ધરડી થઇ રહી હતી . એની સેવા ચાકરીના પણ દિવસો નજીક હતા . છતાં એને રાજા જોડે જવાનું કહ્યું .

 

ત્યારે રાજાને સમજાયું કે આખરે મેં જેને ખુબ પ્રેમ કર્યો એને મારી સાથે આવવાણી ના પાડી અને મેં જેને ગણકારી નહિ એ આજે મારા સાથે આવવા પણ તૈયાર છે .

 

બોધ : બસ હદયમાં જગા બનાવો બધા સાથ આપશે .

 

આ વાર્તા મારી કે તમારી નથી આ વાર્તા આપણા બધાની છે .

 

જો વાર્તાનો સારાંશ સમજીએ તો કશુક આવો થાય .

 

રાજાની ચોથી રાણી એટલે કે...

 

આપણું શરીર જેને ગમે ગમે તેટલું તૈયાર કરી લો છતાં એ તમારી સાથે નહિ આવે .

 

રાજાની ત્રીજી રાણી એટલે કે ...

 

બાહ્ય વસ્તુઓ . જેમ કે મોધો મોબાઈલ , લેપટોપ , ગાડી આ બધી એવી વસ્તુઓ છે જે તમને આનંદ તો આપે છે , ગમેતો બહુ જ છે પણ તમારા અંતિમ દિવસોમાં તમારી સાથે નહિ આવે .

 

રાજાની બીજી  રાણી એટલે કે...

 

આપણો પરિવાર જે આપણને મદદ તો કરશે . સારું શું , ખોટું શું એનાથી પરિચિત પણ કરાવશે . એટલું જ નહિ સ્મશાન સુધી પણ આવશે પણ તમારી સાથે તો નહિ આવે .

 

રાજાની પહેલી રાણી એટલે કે...

 

આપણી આત્મા જે તમારા અંતિમ ક્ષણ સુધી સાથે રહે છે .

અહી કહેવાય છે જે મફતમાં મળ્યું હોય એની કદર કોઈ દિવસ નથી થતી .આત્મા પણ આવું જ કશુક છે . માટે તેની સંભાળ રાખવા માટે ધ્યાન કરો . તો જ સમજાશે કે તમે પોતે કોણ છો .

 

આ ચાર રાણીની વાર્તા જો તમને ખુબ જ ગમી હોય તો તમારા સ્નેહીને જરૂરથી શેર કરજો . જેથી કરી એ પણ પોતાને સરખી રીતે જાણે . 

૨ ) એક અમેરિકન છોકરાની વાર્તા : 

કહેવાય છે કે માતૃભૂમિનું ઋણ જો બાકી હોય તો આજે નહિ તો કાલે જરૂર ચુકવવું પડે છે . 

 

આ એક એવી વાર્તા છે જે અમેરિકામાં જન્મેલું બાળક ભારત આવીને પોતાનું ઋણ અદા કરે છે .  

એક છોકરો હતો . એનું નામ મિહિર હતું . એ પહેલેથી જ અમેરિકા રહેતો હતો . જો કે એના પિતાના લવ મેરેજ હોવાથી એ લોકો અમેરિકા જ સ્થાયી થઇ ગયા . 

થયું એવું કે મિહિરના પિતાનો અભ્યાસ પૂર્ણ થયા બાદ નોકરી માટે , ધંધા માટે વિદેશ જવાનું પસંદ કર્યું . કેમ કે એ ખુબ સારા પૈસા કમાવી શકે . અભ્યાસ પ્રમાણે એમને ભારતમાં સારી નોકરી મળી નહિ માટે વિદેશ જવાની મજબૂરી હતી . 

અમેરિકા ગયા બાદ એકાદ વર્ષમાં ત્યાની કોઈ છોકરી જોડે પ્રેમ થઇ ગયો ને કોઈને પણ જાણ કર્યા વગર એની જોડે લવ મેરેજ કરી લીધા .

પછી તો પૈસા કમાવવામાં એટલો તો વ્યસ્ત થઇ ગયો કે એને પોતાના માં બાપ કેવી હાલતમાં છે એની જાણ સુદ્ધા પણ ના રહી . 

પણ કહેવાય છે ને ઋણ કોઈ પણ હોય પૂરું તો કરવું જ પડે છે . તમે ધર્મથી તો ભાગી શકો છો કર્મથી નહિ . 

હવે થયું એવું કે આ જે મિહિર હતો એ અભ્યાસ જ કરી રહ્યો હતો અમેરિકામાં . બસ થોડા જ મહિના બાકી હતા પૂર્ણ થવામાં . એક એનો ખાસ મિત્ર હતો જે ભારતથી અમેરિકા અભ્યાસ હેતુ આવ્યો હતો . એ બંને એક જ ક્લાસમાં હતા . 

એના મિત્રે મિહિરને કહ્યું હતું કે ,  જો અભ્યાસ પૂર્ણ થયા બાદ ઠીક બે મહિના પછી મારો જન્મદિવસ છે . બીજા કોઈ આવે કે ના આવે તારે તો જરૂર આવવાનું છે . એ બહાને તુ મારું ઘર પણ જોઈ લેજે અને મારા શહેરની શેર પણ કરાવીશ . 

પાક્કો મિત્ર હતો એટલે એ મિહિરને ના પાડી શક્યો નહિ . અને અભ્યાસ પૂર્ણ થયા બાદ બે મહિના પછી જ્યારે મિહિર ભારત આવે છે ત્યારે કોઈ પોતાનું હોય એવો અહેસાસ થાય છે ! 

જયારે એનો મિત્ર પોતાના ઘરે લઇ જાય છે ત્યારે દીવાલ પર પોતાના માં બાપનો ફોટો જોવે છે તો હેરાન થઇ જાય છે . જયારે તે એની જાણકારી મેળવે છે તો જાણ થાય છે કે એ ફોટામાં એના જ માતા પિતા છે . અને જે મિત્ર છે એ તેનો કાકાનો છોકરો છે . એટલે એનો ભાઈ થયો . અને એ ઘર એના દાદા - દાદીનું છે .

જ્યારે દાદા - દાદીને મિહિર વિષે જાણ થાય છે ત્યારે તે લોકો રડી પડે છે . અને બધું પહેલાનું યાદ કરાવે છે . 

હવે મિહિરને પણ પોતાનાં માં બાપને ભારત બોલાવા હોય છે , પણ એવું તો એ શું કરે જેથી કરી તે ભારત આવે. 

એટલે મિહિર પોતે પોતાના અકસ્માતનું બહાનું બતાવે છે અને પોતાના માં બાપને પાછા ભારત આવવા મજબુર કરે છે . 

અને આખરે પોતાના જ માં બાપને દાદા - દાદી જોડે મિલાપ કારાવે છે . અને હમેશ માટે અહી ભારતમાં રહી જવા મજબુર કરી દે છે . 

વાર્તા નાની જરૂર છે પણ જીવનનો સંદેશ કહી જાય છે . 

એક પિતા જ પૈસા માટે પોતાના માં બાપને ભૂલી જાય છે અને પોતાનો જ દીકરો પિતાના માં બાપ નો ભેટો કરાવે ત્યારે કેવો માહોલ ઉભો થાય તમે લોકો સારી રીતે જાની શકો છો . 

બોધ : જીવનમાં પૈસા જરૂરી છે પણ એટલા પણ નહિ જેના લીધે પરિવારને ભૂલવો પડે . 

૩ )     એક વૃદ્ધ દાદીની અને નવ વર્ષના બાળકની વાર્તા : 

 

કહેવાય છે કે એવું ભણતર શું કામનું જે માત્ર ભણતર જ આપે ગણતર નહિ . 

એક નાનું એવું સુખી કુટુંબ હતું . એમાં કમળા નામની મહિલા રહેતી હતી . લગ્નના ત્રીસ વર્ષ તો એને સંઘર્ષમાં જ વિતાવ્યા . પતિ શારીરિક રીતે નબળો હોવાથી ઘરની બધી જ જવાબદારી એને પહેલેથી જ ઉપાડી લીધી હતી . જો કે બધું ઠીક ઠીક ચાલતું હતુ . 

એક દિવસ શું થયું પરિવારના બધા લોકો માતાજીના દર્શને ગયા . સારા એવા દર્શન પણ થઇ ગયા . જયારે તેઓ પાછા આવતા હતા ત્યારે તેમની બસનો અકસ્માત થઇ ગયો . જ્યારે બસ ખાઈમાં પડવાની હતી એના પહેલા જ કમળા બારીમાંથી બહાર ફેકાઈ ગઈ અને બાકીનાનું ખાઈમાં પડતા મૃત્યુ થઇ ગયું . 

જે ઉમરે વ્યક્તિની ઘરે બેસવાની , આરામ કરવાનો સમય હોય એ ઉમરે મજુરી કરવાનો વારો આવ્યો . પતિ અને બાળકના મૃત્યુ પછી કમળા નિરાધાર જ બની ગઈ . કોઈ સહારો રહ્યો નહિ . 

એકવાર શું થયું, ... 

કમળા ફળની લારી લઇ રસ્તામાં જતી હતી ત્યારે એક મોટો ઢાળ આવ્યો . કમળા એ રસ્તા પર પહેલી વાર આવી હતી . એ સાવ એ એરિયામાં પણ અજાણી હતી . હવે ફળ ભરેલી લારી ઢાળ પર ચડાવી કેવી રીતે . શરીરમાં એટલી હિંમત પણ નહતી . 

જોકે એ જ રસ્તા પર આવનારા જનારા લોકોની સંખ્યા તો હતી . પણ કોઈ તેની મદદ નહતું કરતુ . સુરજ માથે આવી ગયો હતો . લગભગ બપોરનો એક વાગ્યો હશે . એટલામાં જ શાળા છૂટી . 

અને કમળાને આવું કરતા જોઈ એ તરત જ દોડી આવ્યા મદદ માટે . આખરે કમળાબેનની ફળ ભરેલી લારી ચડી ગઈ . 

જે કામ મોટા લોકોએ કરવું જોઈતું હતું એ નાના નાના ભુલકાઓએ કરી બતાવ્યું . 

બોધ : એવું ભણતર શું કામનું જે એક વૃદ્ધ મહિલાની લાગણી ના સમજી શકે ! 

વાર્તા ખુબ નાનકડી છે પણ સાર ખુબ મોટો છે જો વાર્તા સમજાય તો ?

જો તમને આ વાર્તા ગમી હોય તો તમારા પ્રિયજનને જરૂરથી મોકલજો .

હું મારા શબ્દો વડે દરેક વાર્તાને સરળ ભાષામાં સમજાવવાનો પ્રયાસ કરું છું . જો વાર્તા સમજાય એવી ના હોય તો તમે મને કોમેન્ટ કરી શકો છો . 

આભાર 

" મૃત્યમ "