સુખી રહેવાનું સિક્રેટ | ગુજરાતી પ્રેરક વાર્તા | The Secret to Being Happy in Gujarati | Gujarati Motivational Story

સુખી રહેવાનું સિક્રેટ | ગુજરાતી પ્રેરક વાર્તા | The Secret to Being Happy in Gujarati | Gujarati Motivational Story 

Gujarati Motivational Story | Gujarati motivational story pdf | moral stories in Gujarati pdf | Gujarati motivational story with moral | prenatal story in Gujarati | motivational Gujarati blog | Gujarati story | motivational speech in Gujarati pdf

સુખી રહેવાનું સિક્રેટ ( The Secret to Being Happy in Gujarati )

 

રોકવા ટોકવાવાળું જો કોઈ હોય તમારા જીવનમાં તો તમે નશીબદાર છો , કેમ કે જે બાગીચામાં માળી ના હોય એ બગીચો ખેદાન મેદાન થઇ જાય છે .

 

કેમ છો બધા હું છું મૃત્યમ તમારી સમક્ષ એવા પંદર વર્ષના બાળકની વાર્તા લઈને આવ્યો છો જેને વાંચીને તમે પણ નવાઈ પામશો કે આવો વિચાર આટલી ઉમરે આવ્યો ક્યાંથી ?

૧ )     પંદર વર્ષના બાળકની વાર્તા : 

 

માનું નામનો પંદર વર્ષનું બાળક હોય છે . એ નાનપણથી જ દરેક બાબતે ઉત્સાહી હોય છે . તેને સવાલો કરવા ખુબ જ ગમે . જો કોઈ તેની સામે હોય એ વ્યક્તિ જવાબો આપતા આપતા થાકે પણ એ માનું કોઈ દિવસ ના થાકે . એ માં બાપ હોય કે શાળામાં ભણાવતો શિક્ષક હોય પણ માનું સવાલો કરવાનું ના ચુકે .

 

એકવાર માનું અને એના પપ્પા સાથે બેઠા હતા અને માનું સવાલ કરી બેઠો કે ....

 

હે પપ્પા સુખી રહેવાનું સિક્રેટ કયું ?

આવો સવાલ સાંભળીનેતો પપ્પા પણ મુંજાઈ ગયા . એવું નહિ કે જવાબ નહતો , જવાબ તો હતો પણ એ સમજતા હતા કે એ સારી રીતે નહિ સમજાઈ શકે . એટલે એમને યુક્તિ કરી . અને કહ્યું ...

 

જો આપણા ઘરની સામે પેલો પહાડ દેખાય છે , એની ટોચ પર એક બુદ્ધિશાળી વ્યક્તિ રહે છે , તું એ,મેં મળી રહે તારે જે સવાલ પૂછવા હોય એમને પૂછી લેજે .

 

એટલે માનું પેલા પહાડની ટોચ પર પહોચે છે . અને ત્યાં જઈ કોઈને પૂછે છે , અહી કોઈ બુદ્ધિમાની વ્યક્તિ રહે છે . એટલે પેલા ભાઈએ હા પાડી . થોડા આગળ જઈ અંદરની તરફ વળી જાઓ . મોટો દરવાજો આવે ત્યાં હળી જજો .

 

એટલે એ છોકરો અંદર ગયો અને આજુબાજુ જોયું તો નવાઈ પામ્યો . શું મહેલ બનાવ્યો છે . રસ્તામાં જ બધી જાતના ફૂલોના છોડ હતા . જાત જાતની બધી પ્રકારની સુગંધ આવી રહી હતી . જો કોઈ વ્યક્તિ ગુસ્સામાં પણ હોય તો આ મહેલની અદર જતા જતા તો બધો ગુસ્સો શાંત થઇ જાય .

 

આખરે ત્યાં પેલા ભાઈ જોડે પહોચી જ જાય છે . અને માનું કહે છે , મારે તમને એક વાત કહેવી છે , આશા રાખું છું કે તમે મારા સવાલનો જવાબ આપશો .

 

 

એટલે પેલોબુદ્ધિમાની વ્યક્તિ કહે છે જરૂર આપીશ , પહેલા સવાલ તો પૂછ બાળક .

 

માનું કહે છે : જીવનમાં સુખી રહેવાનું સિક્રેટ કયું .

 

પહેલા તો બુદ્ધિમાન વ્યક્તિએ  થોડું સ્મિત કર્યું . અને કહ્યું પહેલા તું મારૂ કામ કર પછી તને કહું . માનું કહે હા બોલો ...

 

પહેલા તું મારો મહેલ તો જો . કેવો છે . એક ચક્કર લાગાવીને આવ . પણ મારી એક શરત છે . આ ચમચીમા બેટીપાં તેલના હશે , એ નીચે ના પડે એનું પણ ધ્યાન રાખવાનું છે .

એટલે એ બાળક કહે સારું , હું તમારો મહેલ જોઇને આવું .

 

આટલું કહી માનું મહેલનો એક ચક્કર મારવા જાય છે , જ્યારે પાછો આવે છે ત્યારે પેલો બુદ્ધિમાન વ્યક્તિ માનુંને કહે છે , બોલ તે શું શું જોયું .

 

માનું કહે , મને માફ કરજો , મારું ધ્યાન આ બે ટીપાથી ભરેલી ચમચીમાં હતું એટલે મારાથી કશું જોવાયું જ નહિ .

 

હવે બુદ્ધિમાનવ્યક્તિ બોલ્યો આવું તો ના ચાલે . સારું ચાલ તું બીજીવાર જોઈ આવ , મહેલ કેવો છે . પણ આ વખતે તું સારી રીતે જોજે . બધું નિરીક્ષણ કરજે . અને હાથમાં જે ચમચી છે તેલના બે ટીપાં છે એ પણ નીચે ના પાડવા જોઈએ એનું પણ ધ્યાન રાખજે . એટલે માનું કહે સારું .

 

આ વખતે માનુએ આખો મહેલ સારી રીતે જોયો . ગાર્ડન , રસ્તામાં વાગતું ધીમું ધીમું મ્યુઝીક , મહેલમાં લાગાવેલા મોઘા ઝુમ્મર વગેરે વગેરે . માનું ને લાગ્યું કે અહી જે પણ રહે એ સુખી જ હોવો જોઈએ .

 

પછી માનું મહેલ ફરીને પાછો આવે છે અને પેલા બુદ્ધિમાની વ્યક્તિને કહ્યું , તમારો મહેલ તો ખુબ જ સુંદર છે , આવું તો મેં ક્યારેય સપનામાં પણ નથી જોયું જે અહી આજે જોયું .

 

પેલો બુદ્ધિમાની વ્યક્તિ કહે છે એ બધું તો બરાબર પણ ચમચીમાંથી બે ટીપાં ગાયબ ક્યા થઇ ગયા . જ્યારે માનું પોતાના જ હાથમાં રહેલી ચમચી જોવે છે તો એમાંથી બે ટીપાં તેલના હતા નહિ . પછી એ માનું પેલા ભાઈની માફી માગે છે , અને કહે છે કે મને માફ કરજો , હું તમારો મહેલ જોવામાં એટલો બધો ખોવાઈ ગયો કે મારા હાથમાંથી ચમચીમાંથી તેલના બે ટીપાં ક્યારે નીચે પડી ગયા એનું ધ્યાન જ ના રહ્યું .

 

અંતે પેલો બુદ્ધિમાન વ્યક્તિ કહે છે કે તારા સવાલનો જવાબ આ રહ્યો .

 

જયારે તારું ધ્યાન ચમચીમાં રહેલા બે ટીપામાં હતું ત્યારે તું સૌથી સુખી હતો . કેમ કે કોઈ શું કરે છે તેનું તને ઘ્યાન નહતું . પણ તું જયારે બીજીવાર મહેલ જોવા ગયો ત્યારે તારું ધ્યાન એ ચમચીમાં રહેલા બેતેલના ટીપામાં નહતું .

 

ટૂંકમાં આપણે જે વિચારીએ , જે જોઈએ છીએ એમાં આપણું મન લલચાય છે . અને ના આવવાના વિચારો આવે છે એટલે આપણે દુઃખી થઈએ છીએ . પણ જ્યારે આપણે પોતાનમાં જ ખોવાયેલા રહીએ ત્યારે કોઈ પણ વસ્તુ કે વ્યક્તિ આપણને દુઃખી કરી શકતું નથી . તો આ છે સુખી રહેવાનું સિક્રેટ .

 

બોધ . જીવનમાં સુખી રહેવું હોય તો બીજાને ઇગ્નોર કરો અને પોતાના કામમાં જ વ્યસ્ત રહો . 

૨ )     દુઃખી મહિલાની વાર્તા : 

આખરે ખુશ કેમ રહેવાય ?

 

એક મહિલા હતી . ખુબ પૈસાવાળી હતી . ઘરમાં ભોગવિલાસના સાધનો હોવા છતાય તે ખુબ દુઃખી હતી . હવે કેમદુઃખી હતી એ જાણવા માટે મનોચિકિત્સક પાસે ગઈ .

 

ત્યાં પહોચી તો બે ચાર વ્યક્તિ પહેલેથી જ હાજર હતા . થોડા સમય બાદ એ મહિલાનો પણ નંબર આવ્યો . મનોચિકિત્સકે એ મહિલાને દુઃખનું કારણ પૂછ્યું . તો મહિલાએ દુઃખનું કારણ જણાવતા કહ્યું કે ...

 

મારા પતિ પાસે મારા માટે સમય જ નથી . હું સાવ એકલી જ રહ્યા કરું છું . હું એટલી તનાવમાં રહું છું કે , મને સમયસર જમવાનું ભાન રહેતું નથી . તેથી મારી તબિયત પર અસર પડી જાય છે , કોઈ કોઈ વાર .

હવે તમે જ કહો આવા સમયમાં હું ખુશ કેવી રીતે રહી શકું ...

 

ત્યારબાદ મનોચિકિત્સકે તેણીનું દુઃખ સાંભળીને એક વાર્તા સંભળાવી .

એ વાર્તા પણ તેની ઉમરની મહિલાની જ હતી .

 

એક મધ્યમ વર્ગનો પરિવાર હતો . પહેલા પહેલા તો બધું સારું હતું પણ હમણાં ના થોડા સમય એવા ખરાબ હતા કે જીવવું મુશ્કેલ થઇ ગયું .

 

તેનો પતિ જુગાર રમવા લાગ્યો , દારૂ પીવા લાગ્યો એટલું જ નહિ ઘરે આવીને નાશાની હાલતમાં મારઝૂડ પણ કરવા લાગ્યો .

 

થોડા સમય આવું જ ચાલ્યું . પછી તેનો પતિ મૃત્યુ પામ્યો . બે , છ મહિના તો બહુ જ તકલીફ પડી . તેના છોકરાને કોઈ સારી જગ્યાએ નોકરી પર લગાડ્યો .

 

એ પણ એક વર્ષ વીત્યા બાદ મૃત્યુ પામ્યો . હવે તો એ સાવ એકલી પડી ગઈ . જીવનનો આધાર હવે કશો રહ્યોનહતો . આત્મહત્યાનો વિચાર બહુ આવ્યો . આત્મહત્યા કરવા પણ એ મહિલા ગઈ રેલ્વે ફાટક પર પણ એ પોતાની જાતને મારી ના શકી .

 

એ સમયે ચોમાસાની ઋતુ હતી . મહિલા જયારે આત્મહત્યાનો વિચાર માંડીને ઘરે પરત ફરતી હતી ત્યારે તેની પાછળ પાછળ એક કુતરાનું બચ્ચું તેની પાછળ પાછળ આવવા લાગ્યું . એને એમ કે ક્યાં સુધી પાછળ પાછળ આવશે .

 

પણ આ તો ઘર સુધી આવી ગયું . હવે ચાલુ વરસાદે તો હું તેને ઘરની બહાર તો ના કાઢી મુકું . એને પણ અંદર લઇ લીધું . ટુવાલથી શરીર તેનું સાફ કરી દીધું .

 

એ જ વર્તન કરી રહ્યું , એના પરથી એવું લાગતું હતું કે એ ભૂખ્યું હશે . એટલે એને મેં એક ટકોરીમાં દૂધ ભરીને આપ્યું . અને તે કુતરાનું બચ્ચું ફટાફટ દૂધ પી ગયો . એ જે જોઇને મને એટલું હસવું આવ્યું કે આવું સ્મિત મેં લગભગ બે વર્ષ પહેલા કર્યું હશે . એને ખરેખર ગમ્યું એક કુતરાના બચ્ચાની મદદ કરીને .

 

પછી એને વિચાર્યું કે જો મદદ કરવાથી ખુશી મળતી હોય તો હું આવી રોજ મદદ કરતી રહીશ . આ મદદ ફક્ત પ્રાણીઓ પુરતી જ નહિ વ્યક્તિની પણ મદદ કરતી રહીશ .

 

બોધ : ખુશ રહેવાનો માત્રને માત્ર ઉપાય છે ગમે તેવી પરિસ્થિતિમાં ખુશ રાખવાનો પ્રયન્ત કરતા રહો . 

વાર્તા ખુબ નાનકડી છે પણ સાર ખુબ મોટો છે જો વાર્તા સમજાય તો ?

જો તમને આ વાર્તા ગમી હોય તો તમારા પ્રિયજનને જરૂરથી મોકલજો .

હું મારા શબ્દો વડે દરેક વાર્તાને સરળ ભાષામાં સમજાવવાનો પ્રયાસ કરું છું . જો વાર્તા સમજાય એવી ના હોય તો તમે મને કોમેન્ટ કરી શકો છો . 

આભાર 

" મૃત્યમ "