જીવનમાં કોઈના ખાસ બનો ! | Be someone special in life! in Gujarati | Moral Stories in Gujarati

જીવનમાં કોઈના ખાસ બનો ! | ગુજરાતી પ્રેરક વાર્તા | Be someone special in life! in Gujarati | Moral Stories in Gujarati

શું શત્રુ સાથે પ્રેમ સંભવ છે , શું લાગણીનો સબંધ હોઈ શકે છે તો જવાબ છે હા કે નઈ !

 

કહેવાય છે ઉંદર અને બિલાડી કોઈ દિવસ દોસ્ત હોઈ ના શકે . એ બંનેમાં કોઈ દિવસ ના બને . બિલાડી રાહ જોતી હોય છે ક્યારે ઉંદર દેખાય અને ક્યારે એની પર તડાપ મારું અને મારું ભોજન બનાઉં .

સામે ઉંદર પણ બીવાતો બીવાતો ભોજનની તલાસ કરતો હોય છે . જો ઉંદર પોતાના દરમાંથી બહાર જ ના આવે તો એ પોતાના દરમાં જ મૃત્યુ પામે અને જો બિલાડીની નજરમાં આવે તો એ પોતાનો ખોરાક બનાવે .

 

પણ અહીં વાર્તા કંઇક અલગ જ છે .

 

એક વેલસેટ પરિવાર હતો . એમાં એક બીના નામની છોકરી રહેતી હતી . એ એના પરિવારમાં એકલી જ હતી ના કોઈ બહેન કે ના કોઈ ભાઈ . એ દસ વર્ષની હતી . એને બિલાડી બહુ જ ગમતી હતી . ટીવીમાં બિલાડીની જ ફિલ્મ કે કાર્ટૂન જોયા કરે . એટલુજ નહિ એ એની નોટબૂકમાં પણ બિલાડીના સ્ટીકર લગાવે . એની કોઈ એવી વસ્તુ નહિ હોય જેમાં બિલાડીનું કોઈ ચિત્ર નહિ હોય .

 

બીનાનો જન્મદિવસ હવે નજીક જ હતો . આશરે બે દિવસ જ બાકી હશે . બીના એના પપ્પાની લાડકવાઈ હતી . એના પપ્પા અને મમ્મીએ વિચાર્યું કે એનો જન્મદિવસ આવે છે તો ગીફ્ટમાં શું આપવું એની વિચારણા થઇ . જોકે મમ્મીને તો પહેલેથી જ ખબર હતી નક્કી એના પપ્પા એની માટે બિલાડી લઇ આવશે .

અને એવું જ થયું .

જન્મદિવસની સાવારે તો મમ્મી અને પપ્પાએ એનો બર્થડે તો વિશ કર્યો પણ સાંજે બીના માટે સરપ્રાઈઝ હતી .

સાંજ પડી . પપ્પાનો ઘરે આવવાનો સમય થઇ ગયો હતો . બીના પપ્પાની રાહ જોઈ રહી હતી . એને ખબર હતી પપ્પા આજે મારા માટે કશું ખાસ લાવશે .

પપ્પા ઘરે આવી જાય છે . હાથમાં બે બોક્સ હોય છે .

બીના પહેલું બોક્સ ખોલે છે એમાં કેક હોય છે અને બીજું બોક્સ ખોલે છે એમાં સાચાની બિલાડી હોય છે . સાચ્ચે જ બિલાડી જોવે છે તો ખુશ ખુશ થઇ જાય છે . અને પછી બીનાનો બર્થડે સારો એવોઉજવે છે . પછી બહાર કોઈ સારી હોટલમાં જમવા પણ જાય છે .

 

થોડા દિવસ પસાર થાય છે . બિલાડી જાણે એ ઘરનું કોઈ સદસ્ય ના હોય એવો માહોલ બની જાય છે . થોડા સમય પછી એક સફેદ ઉંદર એના જ ઘરે કોઈ ખૂણે રહેવા અઆવી જાય છે . નાના એવા હોલમાં બહાર જાય અને પાછો પણ આવી જાય .

 

એકવાર બન્યું એવું કે ઉંદર રસોડામાં હતો અને બિલાડી જોઈ ગઈ પણ એને ઉંદરને મારી ના નાખ્યો . પણ એની જોડે રમવા લાગી . આ જોઈ બીના પણ નવાઈ પામી . પછી તો બિલાડીની સાથેસાથે ઉંદરનું પણ નાનું એવું ઘર બનાવી દે છે .

 

ઉંદર અને બિલાડીની દોસ્તી ધીમે ધીમે વધતી જાય છે . સાથે જમવાનું , સાથે નાહવાનું સાથે મસ્તી કરવાની . બીના પણ અ બધું જોઈને મજા આવી જાય છે .

 

એક દિવસ બીના , બિલાડી અને ઉંદર ઘરની છત પર બોલ રમતા હતા . થયું એવું કે બીનાથી થોડો બોલ જોરથી મમારી ગયો અને ઉંદર છત પરથી નીચે પડી ગયો . બીના જલ્દી નીચે જાય છે અને જોવે છે તો ઉંદર મૃત્યુ પામ્યો છે . આ જોઈ બીના રડી પણ બિલાડીની પણ તબિયત ધીમે ધીમે લથડવા લાગી .

ના સરખું ખાવાનું ખાય . બસ આખો દિવસ ઘરના ખૂણામાં બેસી રહે . બીજી બાજુ બીના પણ ઉદાસ બેસી રહે . બીનાને તો એના મમ્મી પપ્પા જેમ તેમ કરી સમજાવી તો દે છે , જે થયું એ ભૂલી જા એના એનું જીવન કાદાચ એટલું જ હતું . પણ મૂંગા પ્રાણી પશુ ને કોઈ કેવી રીતે સમજાવે . લાગણી સમજનાર પ્રાણી માણસની ભાષા કેમ સમજે .

 

બીમાર બિલાડીનું પણમૃત્યુ થાય છે . સમય જતા .. દુઃખ જો લાગણીનું હોય એ દવાથી થોડું દુર થાય .

 

બોધ : પ્રેમ અને લાગણી હોય ત્યાં બધું સંભવ છે પછી એમાં ત્યાં શત્રુતાને કોઈ સ્થાન ના હોઈ શકે .